Britaniyalik 5 nafar harbiy xizmatchi IShID jangarilarining raketa zarbasi oqibatida halok bo‘ldi. Bu haqda mahalliy manbalarga tayanib, Al-Watan gazetasi ma’lum qildi, deya xabar beradi “RIA Novosti”.
Nashrga ko‘ra, harbiylar xalqaro koalitsiya tarkibiga kirgan.
Zarba tufayli jarohatlanganlar bor. Ular Xasaka viloyatidagi kasalxonaga yetkazilgan.
AQSh davlat kotibi Mayk Pompeo kuni kecha koalitsiya jangarilarning 99 foizini yo‘q qilgani, Vashington boshchiligida amalga oshirilgan operatsiya o‘ta muvaffaqiyatli kechganini bildirgandi.
Izoh (0)