Britaniyada arxeologlar tomonidan qadimiy “boshi kesilganlar qabristoni” topildi. Uni Britaniyaning Staffolk grafligi quruvchilari tasodifan topgan, deb xabar bermoqda “Korrespondent.net”.
Taxminan miloddan avalgi IV asrga tegishli deb topilgan qabriston Greyt-Uelnetem shaharchasida topilgan bo‘lib, u Qadimgi Rim manzilgohlari o‘rnida qurilgan.
Arxeologlar 52 ta skelet topgan bo‘lib, ulardan 35 tasi tanadan ajratilgan holda bo‘lgan. Ular orasida nafaqat erkaklar, balki ayollar va turli yoshdagi bolalar skeletlari ham bo‘lgan. Shu sababli olimlar bu qatl etilgan jinoyatchilarning ommaviy ravishda ko‘milgan qabrlari, degan nazariyani rad etishdi.
Shuningdek, arxeologlarning qayd etishicha, ularning boshlari o‘limidan so‘ng ehtiyotkorlik bilan ajratilgan.
Qadimgi Rim madaniyatida nomutanosib qabrlar uchrab turardi, lekin ular bu darajada ko‘p topilmagandi.
Izoh (0)