Janubiy Koreya hukumati Ikkinchi jahon urushi davrida koreys ishchilarini majburiy ravishda ishlatgani masalasi yuzasidan Yaponiyaning yetakchi metallurgiya kompaniyalaridan birining mulkini musodara qilishni boshladi. Bu haqda “TASS” xabar qildi.
1965-yilda Tokio va Seul o‘rtasida munosabatlarni normallashtirish bo‘yicha ikki tomonlama bitim imzolangan edi.
Bitimga ko‘ra, ikki mamlakat o‘zaro moddiy shikoyatlardan voz kechgan edi. Musodara haqidagi xabarni olishi bilan Yaponiya darhol Seuldan bitim bilan bog‘liq maslahatlashuvni talab qildi.
Vazirlar Mahkamasi bosh kotibi Yosixide Suga 9-yanvarda Tokioda o‘tkazilgan matbuot anjumanida Yaponiya hukumatining Janubiy Koreya harakatlaridan juda tashvishlanayotganini aytdi.
“Bu harakatlar xalqaro huquqqa mutlaqo ziddir,” – deydi bosh kotib.
O‘tgan yili kuzda Koreya Respublikasi Oliy sudi Nippon Steel & Sumitomo Metal nomli yapon kompaniyasining to‘rt nafar sobiq ishchilariga tovon puli to‘lashga qaror qilgan.
Gap majburiy mehnat uchun to‘langan 400 million von (350 ming dollar) haqida boryapti. Hozirda to‘rtta da‘vogardan faqat bittasi tirik qolgan.Avvalroq, Janubiy Koreyadagi sud Nippon Steel & Sumitomo Metal tovon puli to‘lamagan taqdirda, ushbu korporatsiya mulkini qonuniy ravishda musodara qilinishini aytgan edi. Yaponiya hukumati Janubiy Koreyaning majburiy mehnatga bo‘lgan talablarini rad etgan.
Izoh (0)