AQSh senati Suriyaga yordam berish uchun yangi sanksiyalar haqidagi qonun loyihasiga ovoz berishni blokladi, uning yaqin ittifoqchilari - Rossiya va Eronga cheklovlar qo‘ydi. Bu haqda Bloomberg xabar bermoqda.
Ovoz berish 8-yanvarga belgilangan. Demokratlar bundan oldinroq shatdaunni (faoliyatni vaqtincha to‘xtatish) bekor qilish bilan bog‘liq bo‘lmagan hujjatlarni ko‘rib chiqish niyatida emasligini aytgandi.
Tasdiqlangan budjetning yo‘qligi sabab, AQShda bir necha federal agentliklar ikki haftadan beri qoniqarli ravishda ishlamayapti.
Natijada, sanksiyalar bo‘yicha qonun loyihasini ko‘rib chiqish uchun kamida 60 nafar deputat qatnashishi kerak bo‘lgan uchrashuvga 56 nafar deputat kelgan.
Hujjatda Suriya hukumatiga ko‘maklashish va neft mahsulotlari yoki samolyot qismlari savdosi uchun sanksiyalarni joriy qilish ko‘zda tutilgan.
Bundan tashqari, Rossiya, Suriya va Eron tinch aholiga qarshi havo hujumlarini boshlash va insonparvarlik yordamini yetkazishga to‘sqinlik qilishda ayblanmoqda.
AQSh prezidenti Donald Tramp xalqqa murojaat qildi va mamlakatning janubiy chegarasidagi migrantlar bilan bo‘layotgan holatni xavfsizlikka tahdid deb atadi.
Lekin u favqulotda holat e’lon qilmagan.
Dekabrda Tramp migrantlarga qarshi devor qurish uchun mablag‘ ajratilmasa, AQSh janubiy chegarani butunlay yopib qo‘yishini aytgan edi.
Loyihani moliyalashtirishga demokratlar xalaqit beryapti, deydi prezident.
Izoh (0)