Jinoyat ishlari bo‘yicha Samarqand shahar sudida sudya Zarifa Ahmedova raisligida 2005-yilning iyul oyidan 2008-yil dekabr oyining oxiriga qadar 978 kilogramm geroin giyohvandlik vositasini Rossiya Federatsiyasiga o‘tkazishda ishtirok qilgan Shuhrat Sharipovga oid jinoyat ishi ko‘rib chiqildi. Bu haqida “Daryo” muxbiri Farhod Norbo‘tayev xabar bermoqda.
Ochiq sud majlisida Shuhrat Sharipov boshqa shaxslar bilan til biriktirib ko‘p miqdordagi giyohvandlik vositalarini kontrabanda qilish hamda ularni qonunga xilof ravishda sotishda ishtirok etish jinoyatlarini sodir qilganligi aniqlandi.
Jumladan Shuhrat Sharipov 7 ta holatda 978 kilogramm geroin giyohvandlik vositasini O‘zbekiston Respublikasi chegarasidan kontrabanda yo‘li bilan Qozog‘iston Respublikasi orqali Rossiya Federatsiyasiga o‘tkazishda ishtirok qilgan.
Sud majlisida sodir etilgan jinoyat atroflicha muhokama qilinib, Sh. Sharipovning jinoyat ishi yuzasidan sud hukmi o‘qildi. Sud hukmiga ko‘ra Sh.Sharipov O‘zbekiston Respublikasi Jinoyat Kodeksining 246-moddasi 2-qismi, 273-moddasi 5-qismi va 28, 25, 273-moddasi 5-qismi bilan aybdor deb topilib, Jinoyat Kodeksining 59-moddasi tartibida 17 yil ozodlikdan mahrum qilish jazosi tayinlandi.
Izoh (0)