O‘zA, ko‘makka muhtoj, besh farzandi bilan uysiz kun kechirayotgan nogiron ota-onaning ijtimoiy ahvoli haqidagi maqolani chop etdi. Quyida ushbu maqolani to‘lig‘icha berildi.
Jizzax viloyatining Zomin tumani Alisher Navoiy nomidagi qishloq fuqarolar yig‘iniga qarashli Beshbuloq qishlog‘ida Zokir Toshmurodov oilasi uch xonali uyda ukasi va uning oilasi bilan birga istiqomat qiladi.
Zokir ham, turmush o‘rtog‘i ham bolalikdan II guruh nogironi. 5 nafar farzandi bor. Ikkalasi olayotgan 720 ming so‘m nafaqa ro‘zg‘ordan, bolalarning xarajatidan ortmaydi.
Hozirda oila murojaat qilmagan davlat idoralari qolmagan. Ammo, murojaat bo‘yicha birorta idora va hatto mahalla raislari ham oilaning yashash sharoitini o‘rganmagan.
Alisher Navoiy nomidagi qishloq fuqarolar yig‘inining xotin-qizlar bilan ishlash va oilalarda ma’naviy-axloqiy qadriyatlarni mustahkamlash bo‘yicha mutaxassisi Sanobar Alibekova bilan O‘zA muxbiri Toshmurodovlar xonadoniga tashrif buyurdi. Oilaning yashash sharoiti haqiqatan juda nochor.
Eng katta muammo bu oilaning o‘z uyi yo‘qligi.
Prezident tashabbusi bilan oddiy odamlarning hayotiy talab va ehtiyojlarini qondirishga, ayniqsa, nogironligi bo‘lgan oilalarni qo‘llab-quvvatlashga alohida e’tibor berilayotgan bir paytda ayrim joylarda mana shunday nochor oilalar turli idoralar o‘rtasida sarson bo‘layotgani tushunarsiz.
Mazkur masalaga mutasaddi idoralarning munosabatlarini kutib qolamiz.
Izoh (0)