Buloqboshi tumani IIB tomonidan paxta dalalarini payhon qilinishini oldini olish bo‘yicha tuzilgan ishchi guruh tungi vaqtlarda bir qator noqonuniy holatlarni fosh etdi, deya “Daryo”ga xabar qiladi Andijon viloyati IIB matbuot xizmati.
04-oktabr tungi soat 23:30 larda Buloqboshi tumani, Yorboshi MFYda yashovchi fuqaro B.X. o‘ziga tegishli bo‘lgan 100 bosh qo‘ylarini tumandagi “Muxiddin Sotvoldiyev” fermer xo‘jaligiga qarashli paxta ekin maydonida boqib yurgan paytda ushlangan.
Olib borilgan tekshiruvlar hamda mutaxassis xulosasiga ko‘ra fuqaro B.X.ning 100 bosh qo‘ylari jami 250,0 kg paxta xomashyosini payhon qilinganligi natijasida “Muxiddin Sotvoldiyev” fermer xo‘jaligiga 813,0 ming so‘m miqdorida zarar yetkazilganligi ma’lum bo‘ldi.
Shuningdek, 08-oktabr kuni tungi soat 23:00 larda, Buloqboshi tumani, Yorboshi MFYda yashovchi fuqaro Ya.M. o‘ziga tegishli bo‘lgan 50 bosh qo‘ylarini, shu kuni tungi soat 04:00 larda, Buloqboshi tumani, Yorboshi MFYda yashovchi yana bir fuqaro O.A. esa 40 bosh qo‘ylarini tumandagi “Muxiddin Sotvoldiyev” fermer xo‘jaligiga qarashli paxta ekin maydonida boqib, payhonlab yurgan holatda aniqlangan.
Ishchi guruh tomonidan 12-oktabr kuni olib borilgan tekshiruvlar natijasida tungi soat 00:40 larda Buloqboshi tumani, Sharq Yulduzi MFYda yashovchi fuqaro O.X. o‘ziga tegishli bo‘lgan 2 bosh qora mollarini tumandagi “Toxir Taylaqov” fermer xo‘jaligiga qarashli paxta ekin maydonida, 14-oktabr kuni tungi soat 20:00 larda Buloqboshi tumani, Zarg‘aldoq MFY da yashovchi fuqaro X.A esa 2 bosh qora mollarini tumandagi “Ergash Omad hosili” fermer xo‘jaligiga qarashli paxta ekin maydonida boqib yurgan holatlari aniqlangan.
2018-yil 19-oktabr kuni Buloqboshi tumanida o‘tkazilgan sayyor sud muhokamasida yuqorida ko‘rsatilgan huquqbuzarlik sodir etgan fuqarolarga nisbatan O‘zbekiston Respublikasi MJKning 104-moddasi (Ekinzorlarni payhon qilish, qishloq xo‘jalik ekinlarining dalada to‘plab qo‘yilgan hosiliga zarar yetkazish yoki uni yo‘q qilib yuborish, ko‘chatlarga shikast yetkazish)ga asosan eng kam oylik ish haqqining ikki barobari miqdorida ma’muriy jarima jazosi qo‘llanildi.
Izoh (0)