Булоқбоши тумани ИИБ томонидан пахта далаларини пайҳон қилинишини олдини олиш бўйича тузилган ишчи гуруҳ тунги вақтларда бир қатор ноқонуний ҳолатларни фош этди, дея «Дарё»га хабар қилади Андижон вилояти ИИБ матбуот хизмати.
04 октябрь тунги соат 23:30 ларда Булоқбоши тумани, Ёрбоши МФЙда яшовчи фуқаро Б.Х. ўзига тегишли бўлган 100 бош қўйларини тумандаги «Мухиддин Сотволдиев» фермер хўжалигига қарашли пахта экин майдонида боқиб юрган пайтда ушланган.
Олиб борилган текширувлар ҳамда мутахассис хулосасига кўра фуқаро Б.Х.нинг 100 бош қўйлари жами 250,0 кг пахта хом ашёсини пайҳон қилинганлиги натижасида «Мухиддин Сотволдиев» фермер хўжалигига 813,0 минг сўм миқдорида зарар етказилганлиги маълум бўлди.
Шунингдек, 08 октябрь куни тунги соат 23:00 ларда, Булоқбоши тумани, Ёрбоши МФЙда яшовчи фуқаро Я.М. ўзига тегишли бўлган 50 бош қўйларини, шу куни тунги соат 04:00 ларда, Булоқбоши тумани, Ёрбоши МФЙда яшовчи яна бир фуқаро О.А. эса 40 бош қўйларини тумандаги «Мухиддин Сотволдиев» фермер хўжалигига қарашли пахта экин майдонида боқиб, пайҳонлаб юрган ҳолатда аниқланган.
Ишчи гуруҳ томонидан 12 октябрь куни олиб борилган текширувлар натижасида тунги соат 00:40 ларда Булоқбоши тумани, Шарқ Юлдузи МФЙда яшовчи фуқаро О.Х. ўзига тегишли бўлган 2 бош қора молларини тумандаги «Тохир Тайлақов» фермер хўжалигига қарашли пахта экин майдонида, 14 октябрь куни тунги соат 20:00 ларда Булоқбоши тумани, Зарғалдоқ МФЙ да яшовчи фуқаро Х.А эса 2 бош қора молларини тумандаги «Эргаш Омад ҳосили» фермер хўжалигига қарашли пахта экин майдонида боқиб юрган ҳолатлари аниқланган.
2018 йил 19 октябрь куни Булоқбоши туманида ўтказилган сайёр суд муҳокамасида юқорида кўрсатилган ҳуқуқбузарлик содир этган фуқароларга нисбатан Ўзбекистон Республикаси МЖКнинг 104-моддаси (Экинзорларни пайҳон қилиш, қишлоқ хўжалик экинларининг далада тўплаб қўйилган ҳосилига зарар етказиш ёки уни йўқ қилиб юбориш, кўчатларга шикаст етказиш)га асосан энг кам ойлик иш ҳаққининг икки баробари миқдорида маъмурий жарима жазоси қўлланилди.
Изоҳ (0)