Rossiyalik sayohatchi ishbilarmonlarning 60 foizdan ortig‘i o‘z sayohatlarini mustaqil tashkil qiladi. Bu haqda “RIA Novosti” xabar berdi.
Xalqaro biznes turizmi assotsiatsiyasi buyurtmasiga asosan ABT-ACTE Russia internet xizmati 1721 nafar rossiyalik sayohatchi ishbilarmon o‘rtasida so‘rov o‘tkazdi. So‘rov ish yuzasidan safarlarni tashkillashtirishda turizm infratuzilmasining sifati va rivojlanishi haqida bo‘lgan.
Sayohatchilarga safarning barcha bosqichi yuzasidan savollar berilgan: aeroportlarda, mehmonxonalarda va samolyotlarda xizmat ko‘rsatish.
So‘rov davomida so‘nggi uch yil ichida xizmat va biznes safarlarini amalga oshiruvchi so‘rov ishtirokchilarining 62,8 foizi safarni mustaqil tashkillashtirishini ta’kidladi. 12,3 foiz ishtirokchilarda esa safar ularning kompaniyalari tomonidan tashkil qilinadi. 24,4 foiz ishtirokchilarning safarlari esa ba’zan o‘zi, ba’zan kompaniya tomonidan tashkil qilinadi.
Biznes sayohatchilarning 77,3 foizi so‘nggi bir necha yil ichida ishbilarmonlik safarlarida qulaylik darajasi oshganini qayd etgan, ishtirokchilarning 4,4 foizi esa buning aksini bildirgan.
Biznes vakillariga safar chog‘ida tinchlik, barqaror Wi-Fi va ishlash uchun joy yetishmaydi. Bunda biznes zallar xizmatidan sayohatchilarning faqat 27 foizi foydalanadi.
Aviatashuvchilarning xizmat ko‘rsatish darajasi oshganini ishbilarmonlarning 71,2 foizi ta’kidlagan. Buning aksi esa sayohatchilarning 18,1 foizi tomonidan qayd etilgan.
Izoh (0)