Rossiya hukumati tan olinmagan DNR yetakchisi Aleksandr Zaxarchenkoning o‘ldirib ketilishini tekshirishda yordam berishini ma’lum qildi, deb yozadi “RIA Novosti”. Bu haqda Rossiya tashqi ishlar vaziri o‘rinbosari Oleg Siromolotov aytib o‘tdi.
“Bu savol menga emas, tashqi ishlar vazirligida bu bilan shug‘ullanishmaydi. Bu savol ichki ishlar vazirligiga, federal xavfsizlik xizmatiga. O‘ylaymanki, albatta Rossiya hukumatining rasmiy nuqtai nazari ham e’lon qilingan, bu jinoyatni tekshirishda yordam berishimiz aytilgan edi”, — dedi Siromolotov Rossiya DXR yetakchisi Aleksandr Zaxarchenkoning o‘limini tekshirishda yordam berish-bermasligi haqidagi savolga javoban.
Donetsk xalq respublikasi rahbari Aleksandr Zaxarchenko 31-avgust kuni kechqurun Ukrainaning Donetsk shahri markazidagi “Separ” kafesida yuz bergan portlash oqibatida halok bo‘lgan edi.
Rossiya prezidenti Vladimir Putin Zaxarchenkoning o‘ldirilishini razillik deb atadi va terror yo‘lini tanlaganlar nizoga tinch yo‘l bilan yechim izlashni istamasligini ta’kidladi.
Izoh (0)