Seul oliy sudi prokuratura apellyatsiyasini ko‘rib chiqib, Janubiy Koreya sobiq prezidenti Pak Kin Xe uchun qamoq muddatini 25 yilgacha, jarima miqdorini esa 20 milliard von (17,8 million dollar)gacha oshirdi, deb yozadi “Zakon.kz”.
Shu yilning aprelida chiqarilgan hukmga ko‘ra, sobiq prezident 24 yillik qamoqqa va 18 milliard von jarimaga mahkum etilgan edi. Ammo prokuratura 30 yillik hibs va 118 milliard von jarimani talab qilib turib oldi. Apellyatsiya murojaati natijasida Seulda sud majlisi bo‘lib o‘tdi. Sobiq prezident unda qatnashmadi va ushbu sud ishiga nisbatan unda ishonch yo‘qligini aytdi.
Izoh (0)