Toshkent shahri va tumanlar hokimlari devonining interfaol portallari yaratiladi. Bu O‘zbekiston Prezidentining “Toshkent shahrida boshqaruvning alohida tartibini joriy etish bo‘yicha huquqiy eksperiment to‘g‘risida” farmonida ko‘zda tutilgan.
Mazkur portallar real vaqt rejimida quyidagi imkoniyatlarni taqdim etadi:
Fuqarolardan mahalliy budjetning muayyan qismi, shu jumladan, Toshkent shahrini obodonlashtirish va farovonligini oshirish jamg‘armasining mablag‘lari, Toshkent shahri obligatsiyalarini chiqarish hisobidan jalb etilayotgan mablag‘larni eng ko‘p ovoz olgan maqsadlarga yo‘naltirish bo‘yicha takliflar olish;
Mahalliy budjetga tushumlarni kuzatish, shuningdek, amalga oshirilayotgan tadbirlarni va ularga sarflangan mablag‘larning shaffofligi va ochiqligini ta’minlagan holda qayd etish orqali ularning sarflanishini monitoring qilish;
Toshkent shahri va tumanlar hokimlari devonlarining tegishli hudud aholisi bilan quyidagilar orqali hamkorligini amalga oshirish:
Poytaxt aholisidan uy-joy kommunal, transport va boshqa infratuzilmani takomillashtirish, hududlarni obodonlashtirish masalalari bo‘yicha takliflarni qabul qilish;
Hokimlar va hokim devoni xodimlarining poytaxt aholisi taklif va mulohazalariga tezkor javob berish;
Poytaxt aholisi takliflari va mulohazalarining ijrosini nazorat qilish;
Toshkent shahrida arzon uy-joyga talabgor shaxslarning navbati va ro‘yxatini ochiq shakllantirish;
Hududlarni rivojlantirish, obyektlarni qurish va rekonstruksiya qilish dasturlarini joylashtirish, tadbirkorlik subyektlarining takliflarini qabul qilish;
Poytaxt aholisi ovoz berishi yakunlari bo‘yicha tumanlar hokimlari va hududiy davlat boshqaruvi organlari rahbarlarining reytingini aniqlash.
Izoh (0)