Qurbon hayiti munosabati bilan O‘zbekiston Prezidenti Shavkat Mirziyoyev nomiga xorijiy davlatlar va hukumatlar, xalqaro tashkilotlar rahbarlaridan samimiy qutlovlar kelmoqda. Bu haqda davlat rahbarining matbuot xizmati xabar berdi.
Ularda Prezidentga sog‘lik va muvaffaqiyatlar, mamlakat xalqiga tinchlik-osoyishtalik va ravnaq tilab, ezgu istaklar izhor etilgan.
Jumladan, quyidagilar o‘z tabriklarini yo‘llagan:
Qozog‘iston Respublikasi Prezidenti Nursulton Nazarboyev
Qirg‘iziston Respublikasi Prezidenti Sooronbay Jeenbekov
Tojikiston Respublikasi Prezidenti Emomali Rahmon
Turkmaniston Prezidenti Gurbanguli Berdimuhamedov
Ozarbayjon Respublikasi Prezidenti Ilhom Aliyev
Turkiya Respublikasi Prezidenti Rajab Toyyib Erdo‘g‘on
Misr Arab Respublikasi Prezidenti Abdulfattoh as-Sisi
Birlashgan Arab Amirliklari Prezidenti Shayx Xalifa bin Zoid Al Nahayon
Quvayt Amiri Saboh al-Ahmad al-Jobir as-Saboh
Ummon Sultoni Qobus bin Said
Bahrayn Podshohligi Hamad ibn Iso Al Xalifa
Iordaniya Hoshimiylar Podshohligi Podshohi Abdulla II ibn Husayn
Bangladesh Prezidenti Abdul Hamid
Falastin Davlati Prezidenti, Falastin ozodlik tashkiloti ijroiya qo‘mitasi raisi Mahmud Abbos
Afg‘oniston hukumati Ijroiya kengashi raisi Abdulla Abdulla
Birlashgan Arab Amirliklari Vitse-prezidenti, Bosh vaziri, Dubay Amirligi hokimi Shayx Muhammad bin Roshid al-Maqtum
Birlashgan Arab Amirliklari Qurolli kuchlari Bosh qo‘mondoni o‘rinbosari, Abu Dabi Amirligi valiahdi Shayx Muhammad bin Zoid an-Nahayon
Birlashgan Arab Amirliklari Bosh vazirining o‘rinbosari, ichki ishlar vaziri Shayx Sayf bin Zoid Al Nahayon
Islom hamkorligi tashkiloti Bosh kotibi Yusuf al-Usaymin
Kavkaz musulmonlari idorasi raisi, MDH Dinlararo kengashi hamraisi Shayxulislom Ollohshukur Poshshozoda.
Qutlovlar kelishi davom etmoqda.
Izoh (0)