Tojikistonning Tajik Air milliy avikompaniyasi 28-iyul kuni “Dushanbe—Samarqand” yo‘nalishidagi muntazam reysni yo‘lga qo‘ydi. Parvoz Boeing 737−300 avilaynerida amalga oshirildi, deya xabar bermoqda “Gazeta.uz”.
Aviakompaniya matubot kotibi Aziz Xayrulloyevning “Xovar” agentligiga ma’lum qilishicha, faqat bir tomonga uchish chiptasi narxi 684 somoniy (72 dollar)ni tashkil etadi.
Dushanbe xalqaro aeroportidan jo‘nash vaqti — 9:00. Parvozning davomiyligi — 45 daqiqa. Mazkur yo‘nalishdagi navbatdagi reys 4-avgust kuni amalga oshiriladi.
Eslatib o‘tamiz, “O‘zbekiston havo yo‘llari” milliy aviakompaniyasi 2017-yilning aprel oyida Toshkentdan Dushanbega so‘nggi 25 yilda ilk bor muntazam parvozlarni amalga oshirishni boshlagan edi.
Hozirgi vaqtda reyslar har seshanba kuni A320 samolyotida amalga oshirilmoqda. Chipta narxi 78 dollardan boshlanadi.
Izoh (0)