Tashqi savdo vaziri Jamshid Xo‘jayev joriy yil oktabrida o‘tkaziladigan ilk O‘zbekiston—Rossiya mintaqalararo forumiga tayyorgarlik masalalarini muhokama etish uchun Rossiyaning O‘zbekistondagi elchixonasi maslahatchisi Vadim Mitrofanov bilan uchrashdi. Bu haqda vazirlik matbuot xizmati ma’lum qildi.
“Bugungi uchrashuv ayni paytida o‘tkazilmoqda. Bunday yirik voqea puxta tayyorgarlikni talab qiladi. Birinchi O‘zbekiston—Rossiya mintaqalararo forumi ikki mamlakat biznes doiralari o‘rtasidagi hamkorlikni faollashtirishga turtki bo‘ladi”, — deb ta’kidladi Vadim Mitrofanov uchrashuvda.
Tomonlar mintaqalar o‘rtasida biznes, transport, kooperatsion munosabatlarda to‘g‘ridan-to‘g‘ri hamkorlikni rivojlantirishdan manfaatdorliklarini bildirdi. Yakunda forumni tashkil etish va mintaqalaro tashriflar bo‘yicha kelgusi harakatlar yuzasidan kelishib olindi.
Izoh (0)