Тожикистоннинг Тажик Air миллий авикомпанияси 28 июль куни «Душанбе—Самарқанд» йўналишидаги мунтазам рейсни йўлга қўйди. Парвоз Boeing 737−300 авилайнерида амалга оширилди, дея хабар бермоқда «Газета.uz».
Авиакомпания матубот котиби Азиз Хайруллоевнинг «Ховар» агентлигига маълум қилишича, фақат бир томонга учиш чиптаси нархи 684 сомоний (72 доллар)ни ташкил этади.
Душанбе халқаро аэропортидан жўнаш вақти — 9:00. Парвознинг давомийлиги — 45 дақиқа. Мазкур йўналишдаги навбатдаги рейс 4 август куни амалга оширилади.
Эслатиб ўтамиз, «Ўзбекистон ҳаво йўллари» миллий авиакомпанияси 2017 йилнинг апрель ойида Тошкентдан Душанбега сўнгги 25 йилда илк бор мунтазам парвозларни амалга оширишни бошлаган эди.
Ҳозирги вақтда рейслар ҳар сешанба куни A320 самолётида амалга оширилмоқда. Чипта нархи 78 доллардан бошланади.
Изоҳ (0)