10-iyun kuni Xitoyning Sindao shahrida bo‘lib o‘tgan ShHTga a’zo davlatlar rahbarlari kengashining 18-majlisida ishtirok etgan Qozog‘iston prezidenti Nursulton Nazarboyev prezidentlar bir-biriga qanday sovg‘alar bergani haqida gapirib berdi, deb yozadi Tengrinews.
“Odatda davlat rahbarlari bir-biriga nimadir hadya qiladi… Kecha menga 15 metrlik shoyi mato berishdi, unda Xitoy tog‘lari va yozuv aks etgan. Bunday amaliyot (davlat rahbarlari orasida) bor, gap qimmatbaho sovg‘alar haqida emas, bunday qilish nomaqbul. E’tibor belgisi juda muhim”, — dedi Nazarboyev Sindaoda qozog‘istonlik jurnalistlar uchun uyushtirilgan matbuot anjumanida.
Prezidentning so‘zlariga ko‘ra, u tog‘ qoplonining kumush tasvirini sovg‘a qilgan.
Shuningdek, Nursulton Nazarboyev Vladimir Putinga uning Xitoyga rasmiy tashrifi chog‘ida Xitoy Xalq Respublikasi do‘stlik ordeni berilganini izohlab, buni ma’qullashini aytdi.
Izoh (0)