LG kompaniyasi ruchkali Q Stylus yangi smartfonlar qatorini taqdim etdi. Unga tashqi ko‘rinishi bir xil, biroq tavsiflari farqli bo‘lgan uchta gadjet kirgan. Bu haqda “Korrespondent.net” xabar berdi.
Uchala smartfon ham 6,2 dyuymli ekranga, nam va changdan himoyalovchi IP68 standartiga ega. Qurilma asosida aynan qanday protsessor turgani kompaniya tomonidan ma’lum qilinmagan.
Q Stylus qatorining kichik talqini 3 gigabayt operativ va 32 gigabayt doimiy xotira bilan jihozlangan. Asosiy kamerasi — 16 megapikselli, old kamerasi esa — 8 yoki 5 megapikselli.
Q Stylus Plus operativ xotirasi 4 gigabaytga, doimiy xotirasi esa 64 gigabaytga teng. Kameralar ko‘rsatkichlari esa kichik smartfon bilan bir xil.
Q Stylusα katta talqinining xotira ko‘rsatkichlari Q Stylus Plus bilan bir xil, bunda kameralar mos ravishda 13 va 5 megapikselli.
Izoh (0)