Asus kompaniyasi Tayvan poytaxti Taybey shahrida bo‘lib o‘tayotgan Computex 2018 ko‘rgazmasida tachpad o‘rniga tachskrin bilan jihozlangan noutbukni taqdim etdi. Yangi noutbuk ZenBook nomini oldi. Bu haqda “Korrespondent.net” xabar berdi.
Tachpad o‘rniga joylashtirilgan ekranning o‘lchami 5,5 dyuymni tashkil qiladi. U yordamchi vazifalarni bajaradi: standart dasturlarni tezkor ishga tushirish uchun yorliqlarni chiqaradi.
Chrome brauzeriga maxsus plagian o‘rnatilganidan so‘ng u mini-displeyda YouTube’dan video namoyish etishi mumkin. Shuningdek, tachskrindan ikkinchi ekran sifatida ham foydalanish mumkin.
Ishlab chiqaruvchi kompaniya yangi qurilmani “dunyodagi birinchi aqlli tachpad” sifatida taqdim etmoqda.
Noutbuk 15,6 dyuymli displey va 4K ekranga ega. Uning asosida Intel Core i9-8950HK protsessori joylashgan. Shuningdek, Nvidia GeForce GTX 1050 Ti 4Gb videotezlatgich va 16 gigabayt operativ xotira ham bor. Uning doimiy xotirasi bir terabaytga teng.
Noutbukning sotuvga chiqishi joriy yilning iyul oyi o‘rtasiga mo‘ljallangan. Uning boshlang‘ich narxi 2299 dollarni tashkil qiladi.
Izoh (0)