O‘zbekistonda LG Electronics kompaniyasining V30 top-smartfoni sotila boshladi, deb yozadi “Mobinfo.uz”. Qurilma yuqori aniqlikdagi katta displey, qo‘sh kamera va ilg‘or audiotizim bilan jihozlangan.
V30 6 dyuymli va 2880×1440 pikselli OLED-ekran, 4 Gb tezkor va 64 / 128 Gb doimiy xotira, Qualcomm Snapdragon 835 protsessori, 16 va 13 megapikselli qo‘sh kamera (asosiy) va 5 megapikselli old kamera, 3300 mA/soat sig‘imli akkumulyatorga ega.
Smartfonda Hi-Fi darajali 32-bitli raqamli-analogli Quad DAC o‘zgartirgich asosidagi audiotizim bor. Uning tovush texnologiyalari ustida B&O Play mutaxassislari ishlagan, shu tufayli telefon aynan shu brend naushniklari bilan birga sotiladi.
Qurilma Android 7.1.2 Nougat operatsion tizimida ishlaydi.
Toshkentdagi “Malika” savdo markazida LG V30’ni 5 427 000 so‘mga sotib olish mumkin.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)