LG компанияси ручкали Q Stylus янги смартфонлар қаторини тақдим этди. Унга ташқи кўриниши бир хил, бироқ тавсифлари фарқли бўлган учта гаджет кирган. Бу ҳақда «Корреспондент.net» хабар берди.
Учала смартфон ҳам 6,2 дюймли экранга, нам ва чангдан ҳимояловчи IP68 стандартига эга. Қурилма асосида айнан қандай процессор тургани компания томонидан маълум қилинмаган.
Q Stylus қаторининг кичик талқини 3 гигабайт оператив ва 32 гигабайт доимий хотира билан жиҳозланган. Асосий камераси — 16 мегапикселли, олд камераси эса — 8 ёки 5 мегапикселли.
Q Stylus Plus оператив хотираси 4 гигабайтга, доимий хотираси эса 64 гигабайтга тенг. Камералар кўрсаткичлари эса кичик смартфон билан бир хил.
Q Stylusα катта талқинининг хотира кўрсаткичлари Q Stylus Plus билан бир хил, бунда камералар мос равишда 13 ва 5 мегапикселли.
Изоҳ (0)