“Manchester Siti” jamoa bosh murabbiyi Xosep Gvardiola bilan imzolangan shartnoma muddatini uzaytirdi, deb yozadi “Sports.ru”.
Yangi shartnomaga ko‘ra, ispaniyalik mutaxassis 2021-yil yoziga qadar jamoada ishlaydigan bo‘ldi. Pep “Siti”ni 2016-yildan boshlab boshqarib kelmoqda.
“Yangi shartnoma imzolaganimdan baxtiyorman. Bu yerda ishlash menga katta zavq bag‘ishlamoqda. O‘yinchilarim bilan ishlab rohatlanaman. Kelasi mavsumda o‘zimizni yanada yorqinroq obrazda namoyon etishga harakat qilamiz” — dedi Gvardiola.
Joriy mavsum “Siti” Pep qo‘li ostida Angliya chempionati va Liga kubogida g‘alaba qozonishga erishdi.
Izoh (0)