“Olamsport” nashri Jahon boksi afsonasi Mayk Tayson Mustaqillik bayrami arafasida O‘zbekistonga kelishi mumkinligi haqida xabar bergan edi.
Xabarga ko‘ra, Professional boks federatsiyasi amerikalik sobiq jahon chempionini O‘zbekistonga taklif qilgandi. Tayson O‘zbekistonda muxlislari bilan uchrashishi, master-klass o‘tishi va matbuot anjumanida ishtirok etishi lozim edi. “Xabar.uz”ning yozishicha, O‘zbekiston boks federatsiyasi Taysonning kelishi haqidagi xabarlar haqiqatdan yiroq ekanligini ma’lum qilgan.
“Haqiqatan ham mustaqillik bayrami arafasida katta boks kechasi tashkil qilib, unga jahon boksi afsonalarini taklif qilishni rejalashtirganmiz. Ammo Mayk Taysonning O‘zbekistonga kelishi haqidagi xabarlar haqiqatdan uzoq. Chunki federatsiya u bilan aloqaga chiqmagan”, — degan federatsiya matbuot xizmati vakili.
Uning qo‘shimcha qilishicha, boks kechasiga boshqa bir taniqli sportchi Konstantin Szyu kelishi kutilmoqda.
Izoh (0)