Toshkent shahar hokimining jamoat va diniy tashkilotlar bilan aloqalar bo‘yicha o‘rinbosari Shuhrat Turdiqulov raisligida fuqarolar qabuli davomida sportning Turon yakka kurashi turi bo‘yicha xalqaro turnirlar g‘olibi Nargiza Vahobxo‘jayeva futbol bo‘yicha O‘zbekiston milliy terma jamoa a’zosi Odil Ahmedov va boshqa qator sportchilar bilan birgalikda Toshkent shahrida masjid qurish istaklari borligini ma’lum qildi, deb yozadi Uz24.
Shuhrat Turdiqulov sportchilarning ushbu tashabbuslarini qo‘llab-quvvatladi va Sergeli tumanida aholi ko‘payib borayotgani va u yerda tashkil etilayotgan yangi mahallalarda masjidga ehtiyoj borligi aytildi. Nargiza Vahobxo‘jayevaga esa tuman hokimligiga arxitektura qog‘ozlari bilan murojaat qilish kerakligi borasida tushuncha berildi.
Muloqot davomida sportchilarning poytaxtdagi “Islom ota”, “Xo‘ja Alambardor”, “Shayx Zayniddin” kabi jome’ masjidlari tozaligi va obodligiga hissa qo‘shib kelayotgani ma’lum bo‘ldi, deyiladi xabarda.
Izoh (0)