AQSh esminetsi sobiq komandiri Brayan Makgrat AQShning ikkinchi floti Atlantikada Rossiya suv osti kemalariga qarshi turishini aytdi, deb yozadi “Gazeta.ru”.
Uning so‘zlariga ko‘ra, ikkinchi flotning qayta tiklanishi shuni bildiradiki, AQSh Shimoliy Atlantikada ishonchliroq va kuchliroq harakat qiladi.
Shuningdek, uning ta’kidlashicha, ikkinchi flotning asosiy vazifalaridan biri Rossiyaning atom suv osti kemalariga qarshilik ko‘rsatish bo‘ladi.
Makgrat qo‘shimcha qilishicha, Rossiya suv osti kemalari NATO ittifoqdoshlarini qo‘llab-quvvatlash uchun mintaqaga o‘z kuchlarini joylashtirishiga xalal berishga qodir.
Nashr eslatishicha, avvalroq AQSh harbiy-dengiz kuchlari bosh qo‘mondoni Richard Devidson “buyuk davlatlar raqobati” tufayli, ikkinchi flot qayta tiklanishini ma’lum qilgan edi.
Izoh (0)