АҚШнинг иккинчи флоти Атлантикада Россия сув ости кемаларига қарши туради

АҚШ эсминеци собиқ командири Брайан Макграт АҚШнинг иккинчи флоти Атлантикада Россия сув ости кемаларига қарши туришини айтди, деб ёзади «Газета.ru».

Унинг сўзларига кўра, иккинчи флотнинг қайта тикланиши шуни билдирадики, АҚШ Шимолий Атлантикада ишончлироқ ва кучлироқ ҳаракат қилади.

Шунингдек, унинг таъкидлашича, иккинчи флотнинг асосий вазифаларидан бири Россиянинг атом сув ости кемаларига қаршилик кўрсатиш бўлади.

Макграт қўшимча қилишича, Россия сув ости кемалари НАТО иттифоқдошларини қўллаб-қувватлаш учун минтақага ўз кучларини жойлаштиришига халал беришга қодир.

Нашр эслатишича, аввалроқ АҚШ ҳарбий-денгиз кучлари бош қўмондони Ричард Дэвидсон «буюк давлатлар рақобати» туфайли, иккинчи флот қайта тикланишини маълум қилган эди.