Yig‘ilishda ma’ruza qilgan Shavkat Mirziyoyev so‘nggi 25 yil davomida O‘zbekistondagi qishloqlar qiyofasini yaxshilash bo‘yicha deyarli hech qanday ish qilinmaganini ta’kidladi.
“Obod qishloq” dasturini o‘zim bosh bo‘lib boshlaganimning eng katta mazmun-ma’nosi — qishloqma-qishloq, mahallama-mahalla yurib, bir kun bir kishini rozi qilsak, bitta bo‘lsa-da ish o‘rni yaratsak — shu ham muvaffaqiyat.Barchangiz bilasiz, oxirgi 25 yil mobaynida, namunaviy uy-joylar qurilishini hisobga olmaganda, qishloqlarning tashqi qiyofasini yaxshilash va obodonlashtirish bo‘yicha biror bir amaliy ish qilinmagan. Buning uchun moliyaviy manbalar ajratilmagan. Natijada aksariyat qishloqlarda ko‘chalar, ijtimoiy soha obyektlari, ichimlik suvi, elektr ta’minoti kabi muhim sohalar yillar davomida qarovsiz va e’tiborsiz qolib, nochor ahvolga kelib qolgan.
Aholining qurilish va shaharsozlik me’yor-qoidalariga amal qilmay, uy-joy va bino-inshootlarni tartibsiz va o‘zboshimchalik bilan qurib olishi ham oddiy holatga aylangan. Qishloq aholisi bizga shu ham bo‘laveradi, degan fikrga ko‘nikib, o‘zining ko‘chasi, uy-joyi va hovlisini obod qilishga umuman e’tibor bermay qo‘ygan.
Shuni hisobga olib, Manas qishlog‘ida obodonlashtirish bo‘yicha keng ko‘lamli ishlar tashkil etilib, atigi bir yarim oyda u mutlaqo yangi maskanga aylantirildi.
Mana, kecha televizorda ko‘rsatdi — Manas qishlog‘idagi ayollarning, yoshlarning, nuroniylarning dunyoqarashi o‘zgaryapti. Sport bilan shug‘ullanyapti, ko‘ryapsizlar. Ular davlatdan rozi. Nimagadir intilyapti ular. Ular o‘sha katta umidsizlikni, “E, bu bizga hech qachon kelmas ekan”, [degan fikrdan qaytarildi]; qilgan ishlarimiz bilan u yerga istiqlol nurini [olib kirdik], [ularni] istiqlol kirganiga inontirdik.
Shavkat Mirziyoyev, O‘zbekiston Prezidenti
Izoh (0)