Namangan viloyati Uchqo‘rg‘on tumanidagi Norinkapa qishlog‘ida “G‘oyib bobo” nomli yangi masjid qurilmoqda. Bu haqda “Mehrob.uz”ning Facebook’dagi sahifasida ma’lum qilindi.
“Ushbu masjid hashar yo‘li orqali qurilmoqda. Allohning baytini qurishga hissa qo‘shaman degan himmati baland norinkapaliklar ko‘pligidan, hasharchilar kunlarni taqsimlab, navbat bilan mehnat qilishayotgan ekan. Xalqimizning bunday ixlosini ko‘rib, quvonchimiz ichimizga sig‘may ketdi”, — deyiladi xabarda.
Bu masjidning o‘rnida ilgari eski masjid bo‘lgan. Shayx Muhammad Sodiq Muhammad Yusuf hayotlik chog‘larida bu yerga tashrif buyurib, jamoaning haqqiga duo qilib, o‘rnida yangi, go‘zal masjid qurilishini Allohdan so‘rab, duo qilib ketgan deyishmoqda.
Izoh (0)