Йиғилишда маъруза қилган Шавкат Мирзиёев сўнгги 25 йил давомида Ўзбекистондаги қишлоқлар қиёфасини яхшилаш бўйича деярли ҳеч қандай иш қилинмаганини таъкидлади.
«Обод қишлоқ» дастурини ўзим бош бўлиб бошлаганимнинг энг катта мазмун-маъноси — қишлоқма-қишлоқ, маҳаллама-маҳалла юриб, бир кун бир кишини рози қилсак, битта бўлса-да иш ўрни яратсак — шу ҳам муваффақият.Барчангиз биласиз, охирги 25 йил мобайнида, намунавий уй-жойлар қурилишини ҳисобга олмаганда, қишлоқларнинг ташқи қиёфасини яхшилаш ва ободонлаштириш бўйича бирор бир амалий иш қилинмаган. Бунинг учун молиявий манбалар ажратилмаган. Натижада аксарият қишлоқларда кўчалар, ижтимоий соҳа объектлари, ичимлик суви, электр таъминоти каби муҳим соҳалар йиллар давомида қаровсиз ва эътиборсиз қолиб, ночор аҳволга келиб қолган.
Аҳолининг қурилиш ва шаҳарсозлик меъёр-қоидаларига амал қилмай, уй-жой ва бино-иншоотларни тартибсиз ва ўзбошимчалик билан қуриб олиши ҳам оддий ҳолатга айланган. Қишлоқ аҳолиси бизга шу ҳам бўлаверади, деган фикрга кўникиб, ўзининг кўчаси, уй-жойи ва ҳовлисини обод қилишга умуман эътибор бермай қўйган.
Шуни ҳисобга олиб, Манас қишлоғида ободонлаштириш бўйича кенг кўламли ишлар ташкил этилиб, атиги бир ярим ойда у мутлақо янги масканга айлантирилди.
Мана, кеча телевизорда кўрсатди — Манас қишлоғидаги аёлларнинг, ёшларнинг, нуронийларнинг дунёқараши ўзгаряпти. Спорт билан шуғулланяпти, кўряпсизлар. Улар давлатдан рози. Нимагадир интиляпти улар. Улар ўша катта умидсизликни, «Э, бу бизга ҳеч қачон келмас экан», [деган фикрдан қайтарилди]; қилган ишларимиз билан у ерга истиқлол нурини [олиб кирдик], [уларни] истиқлол кирганига инонтирдик.
Шавкат Мирзиёев, Ўзбекистон Президенти
Изоҳ (0)