Turizmni rivojlantirish davlat qo‘mitasi raisi Aziz Abduhakimov Toshkent aeroportida O‘zbekistonga Turkiya va Isroil fuqarolari uchun 30 kunlik erkin kirish amal qilishni boshlaganidan keyin ushbu mamlakatlardan yetib kelgan ilk sayyohlarni shaxsan kutib oldi, deb yozadi “Gazeta.uz”.
Aziz Abduhakimov turkiyalik Umar Avaz hamda isroillik ravvin Hilol Haimovni qarshi olib, ularga gullar, esdalik sovg‘alari va milliy liboslarni topshirdi.
Bir kun avval qo‘mita raisi Korean Air aviakompaniyasi samolyotida Seuldan uchib kelgan Yaponiya va Koreya Respublikasi fuqarolarini kutib olgan edi.
Eslatib o‘tamiz, Prezident farmoni bilan, 2018-yildan 10-fevraldan boshlab Isroil, Indoneziya, Janubiy Koreya, Malayziya, Singapur, Turkiya va Yaponiya fuqarolari O‘zbekiston hududiga 30 kungacha vizasiz kirishi mumkin bo‘ldi.
Izoh (0)