O‘zbekistonda paxta terimida doimiy ravishda bolalar mehnatidan foydalanishga chek qo‘yildi, majburiy mehnat amaliyotini tugatish uchun esa muayyan choralar ko‘rilmoqda. Bu haqda Xalqaro mehnat tashkiloti (XMT)ning Jahon bankiga yo‘naltirilgan hisobotida aytiladi, deb yozadi “Gazeta.uz”.
“O‘zbekistonda 2017-yilgi paxta hosili yig‘im-terimi chog‘ida bolalar va majburiy mehnatni yo‘q qilish bo‘yicha choralarning mustaqil monitoringi” hisoboti 3000 dan ortiq suhbatlarga asoslandi. Suhbatlar kuzatuvchilarsiz va ogohlantirishsiz olib borildi. Ularning natijalari mamlakat paxta tarmog‘ida asosiy mehnat huquqlarini ta’minlashga qaratilgan sezilarli o‘zgarishlar olib borilayotganini ko‘rsatmoqda.
“2017-yilgi paxta yig‘im-terimi oshkoralik va muloqot ustunligi sharoitida bo‘lib o‘tdi. Bu fuqarolik jamiyatining barcha guruhlariga, shu jumladan tanqidiy kayfiyatdagi alohida aktivistlarga ham tegishli bo‘ldi. Bu kelajak uchun optimizm ruhini beradi. Shu bilan bir vaqtda viloyat va tumanlar darajasida mamlakat hukumati tomonidan chiqarilayotgan ko‘p sonli farmonlar va qarorlarni bajarish va o‘zlashtirishga hamon ulgurishmayapti”, — deydi XMTning mehnat sohasidagi asosiy tamoyillar va huquqlar bo‘yicha bo‘limi rahbari Beate Andres.
Monitoring shuni ko‘rsatdiki, 2017-yilda 2,6 million paxta teruvchilarning aksariyati hosil yig‘im-terimida ko‘ngilli ravishda qatnashgan, bolalar va majburiy mehnatga yo‘l qo‘yilmasligini esa mamlakatda yaxshi tushunashadi. Hisobotda avvalroq paxta terimida bolalar mehnatidan muntazam foydalanish holatlari boshqa kuzatilmayotgani, ammo bolalar maktabga qatnashda davom etayotgani bilan bog‘liq vaziyatni doimo kuzatish zarurligi haqida qilingan xulosalar tasdiqlangan.
Izoh (0)