O‘zbekiston Prezidenti Shavkat Mirziyoyev 2-fevral kuni mamlakatning sayyohlik salohiyati rivoji uchun qulay shart-sharoitlar yaratish bo‘yicha qo‘shimcha tashkiliy choralar ko‘rish haqidagi farmonni imzoladi.
Hozirga qadar faqat Qirg‘iziston (60 kungacha), Ozarbayjon, Armaniston, Belarus, Gruziya, Qozog‘iston, Moldova, Rossiya va Ukraina fuqarolari O‘zbekistonga vizasiz kirishi mumkin edi.
Prezident farmoni bilan, 2018-yildan 10-fevraldan boshlab Isroil, Indoneziya, Janubiy Koreya, Malayziya, Singapur, Turkiya va Yaponiya fuqarolari ham O‘zbekiston hududiga 30 kungacha vizasiz kirishlari mumkin bo‘ldi.
Bundan tashqari, O‘zbekistonga muntazam aviareyslarni amalga oshiruvchi xorijiy aviakompaniyalar havo kemalari ekipajlari a’zolaridan ham endi viza talab qilinmaydi.
Izoh (0)