Amerikalik jurnalist Maykl Vulf “Olov va g‘azab: Trampning Oq uyi ichida” kitobi sotuvi tufayli 1 million dollardan ko‘proq ishlab oldi va bu ko‘rsatkichni 7,4 million dollarga yetkazishi mumkin. Bu haqda, Bloomberg ma’lum qildi, deya xabar beradi “TASS”.
AQShdagi kitob do‘konlarining 85 foizi faoliyatini kuzatib boradigan NPD BookScan firmasiga ko‘ra, chop etilganidan so‘ng ikki kun ichida narxi 30 dollar bo‘lgan kitobning 29 mingdan ortiq nusxasi sotildi.
10-yanvar holatiga, shuningdek, kitobning raqamli 250 ming (14,99 dollar) va 100 ming audio (27,99 dollar) nusxasi xarid qilingan.
AQShda odatda muallif 500 ming dollar miqdorida avans va sotuvlardan kelgan tushumning 15 foizini oladi. Bloomberg mazkur kitob hozirgacha keltirgan tushum 7,42 million dollarni tashkil etganini bildirdi.
Izoh (0)