Turkiya armiyasi Suriya shimoli-g‘arbidagi Afrin tumanida suriyalik kurdlarning o‘zini o‘zi mudofaa qilish kuchlari (YPG) nazorati ostidagi hududlarga zarba berdi. Bu haqda “RIA Novosti” xabar bermoqda.
Bu zarbalar Turkiyaning chegara hududi o‘qqa tutilganiga javoban berilgan. Qayd etishlaricha, Suriya hududidan turib Turkiya chegarasi tomon o‘nga yaqin artilleriya zarbalari berilgan.
Avvalroq rasmiy Anqara YPG’ni harbiy jihatdan qo‘llab-quvvatlayotgani uchun Vashingtonni bir necha bor tanqid qilgan edi. Turkiya YPG’ni terrorchilik tashkiloti deb hisoblaydi.
Izoh (0)