Америкалик журналист Майкл Вулф «Олов ва ғазаб: Трампнинг Оқ уйи ичида» китоби сотуви туфайли 1 миллион доллардан кўпроқ ишлаб олди ва бу кўрсаткични 7,4 миллион долларга етказиши мумкин. Бу ҳақда, Bloomberg маълум қилди, дея хабар беради «ТАСС».
АҚШдаги китоб дўконларининг 85 фоизи фаолиятини кузатиб борадиган NPD BookScan фирмасига кўра, чоп этилганидан сўнг икки кун ичида нархи 30 доллар бўлган китобнинг 29 мингдан ортиқ нусхаси сотилди.
10 январь ҳолатига, шунингдек, китобнинг рақамли 250 минг (14,99 доллар) ва 100 минг аудио (27,99 доллар) нусхаси харид қилинган.
АҚШда одатда муаллиф 500 минг доллар миқдорида аванс ва сотувлардан келган тушумнинг 15 фоизини олади. Bloomberg мазкур китоб ҳозиргача келтирган тушум 7,42 миллион долларни ташкил этганини билдирди.
Изоҳ (0)