Islom jamoatchiligi kriptovalyutani islomiy banking vositasi sifatida muhokama qilmoqda. Yaqin ikki yil ichida islomiy “halol” bankingga mo‘ljallangan kriptovalyuta yaratilishi mumkin. Bu haqda Rossiya muftiylar kengashi apparati rahbari Madina Kalimullina Qozonda o‘tkazilgan konferensiyada aytib o‘tdi, deb xabar beradi “TASS”.
“Kriptovalyutaning tavsifidan kelib chiqsak, biz u halol ishlatilishi mumkin deb o‘ylamoqdamiz. Shariat standartlari hozircha bu mavzuni qamrab olmaydi, ammo ikki-uch yil istiqbolida ular ishlab chiqilishi mumkin” — dedi Kalimullina.
“Bu mavzu hozir Rossiya islom jamoatchiligi orasida, xususan, Kavkazda ham juda mashhur, islomiy iqtisodiyotchilar uchrashuvlarida u doimiy muhokama qilinadi”, — qo‘shimcha qildi ayol.
Kalimullinaning so‘zlariga qaraganda, Qozonda allaqachon “itkoin” degan kriptovalyuta bo‘lib, u chorvachilik biznesida ishlatiladi.
Izoh (0)