Janubiy Koreya yadro quroli ishlab chiqarish yoki o‘z hududida joylashtirish niyatida emas. Bu haqda mamlakat prezidenti Mun Chje In parlamentdagi chiqishi chog‘ida ma’lum qildi, deya xabar beradi “TASS”.
“Janubiy va Shimoliy Koreyaning qo‘shma deklaratsiyasiga muvofiq, KXDR yadroviy davlat maqomiga ega bo‘lishi mumkin emas. Biz ham atom qurolini ishlab chiqarmaymiz va unga egalik qilmaymiz”, — dedi Mun Chje In.
Janubiy Koreya prezidenti muxolifatning KXDR tahdidi munosabati bilan o‘z yadro quroliga ega bo‘lish yoki mamlakatda AQSh taktik yadro aslahalarini joylashtirish da’vatiga shu tariqa javob berdi.
“Qurolli mojaroga kelsak, u hech qanday holatda ham yuzaga kelmasligi lozim. Millionlab umrlarni olib ketadigan urushga aslo yo‘l qo‘ymaymiz. Harbiy harakatlar bizning bunga roziligimizsiz boshlanishi mumkin emas”, — ta’kidladi Janubiy Koreya prezidenti.
Izoh (0)