Ислом жамоатчилиги криптовалютани исломий банкинг воситаси сифатида муҳокама қилмоқда. Яқин икки йил ичида исломий «ҳалол» банкингга мўлжалланган криптовалюта яратилиши мумкин. Бу ҳақда Россия муфтийлар кенгаши аппарати раҳбари Мадина Калимуллина Қозонда ўтказилган конференцияда айтиб ўтди, деб хабар беради «ТАСС».
«Криптовалютанинг тавсифидан келиб чиқсак, биз у ҳалол ишлатилиши мумкин деб ўйламоқдамиз. Шариат стандартлари ҳозирча бу мавзуни қамраб олмайди, аммо икки-уч йил истиқболида улар ишлаб чиқилиши мумкин» — деди Калимуллина.
«Бу мавзу ҳозир Россия ислом жамоатчилиги орасида, хусусан, Кавказда ҳам жуда машҳур, исломий иқтисодиётчилар учрашувларида у доимий муҳокама қилинади», — қўшимча қилди аёл.
Калимуллинанинг сўзларига қараганда, Қозонда аллақачон «иткоин» деган криптовалюта бўлиб, у чорвачилик бизнесида ишлатилади.
Изоҳ (0)