AQShning Nyu-York shahridagi teraktni sodir etganlikda gumonlanayotgan o‘zbekistonlik Sayfullo Soipov bilan 2010-yilda birga yashagan oila yuz bergan hodisadan hayratda ekanligini bildirgan, deb xabar beradi “RIA Novosti”.
Sayfullo Soipov 2010-yilda Ogayo shtati Sinsinnati shahridagi tanishlarining uyida ikki hafta yashagan.
“U judayam bosiq edi. Tinimsiz ishlardi. Turli kechalar yoki boshqa joylarga bormasdi. U uyga kelib dam olar va yana ishga qaytib borardi”, — deydi Soipov ularning uylarida yashagan paytda o‘spirin bo‘lgan Dilnoza Abdusamatova.
2011-yilda Soipov mazkur manzilda biznesini ro‘yxatdan o‘tkazgan. Shu bilan birga xonadon sohiblari biznes haqida hech qanday ma’lumotga ega emasligini va bu holatdan hayratga tushganini bildirgan.
Oila a’zolarining so‘zlariga ko‘ra, Soipov ko‘chib ketganidan beri u bilan gaplashmagan.
Gumonlanuvchi yashagan uyning qarama-qarshisida yashaydigan ayol esa uni suratlardan tanib, Soipov odamovi bo‘lganini aytgan.
Izoh (0)