Isroilda yahudiy qizlarga ko‘ngil qo‘ygan arablarni ta’qib etishda gumon qilingan 15 kishi qo‘lga olindi

Isroil politsiyasi yahudiy qizlarga ko‘ngil qo‘ygan arablarni ta’qib etishda gumon qilingan o‘ta o‘ng guruhning 15 a’zosini qo‘lga oldi. Bu haqda “RIA Novosti” xabar bermoqda. 

“Lexava’ tashkilotining faol a’zolari sifatida politsiyaga ma’lum bo‘lgan 15 kishi hibsga olindi. Ular yahudiy qizlari yoki yosh ayollariga aloqasi bo‘lgan boshqa millat vakillarini qidirganlik va ta’qib etganlikda gumon qilinmoqda”, — deyiladi politsiya xabarida. 

OAVga ko‘ra, qo‘lga olinganlar orasida yahudiy millati sofligi uchun aksiyalar, jumladan, aralash nikohlarga qarshi noroziliklari bilan tanilgan guruh yetakchisi Bensi Gopshteyn ham bor. U uy qamog‘ida ekanligi bildirilmoqda.