AQSh prezidenti Donald Tramp 23-oktabr, dushanba kuni Yaponiya bosh vaziri Sindzo Abeni umumiy saylovlarda g‘olib chiqqani bilan tabrikladi va u bilan KXDRning raketa-yadro dasturi tufayli unga birgalikda bosim o‘tkazishni kuchaytirish haqida kelishib oldi, deb yozadi “TASS” Yaponiya vazirlar mahkamasi bosh kotibi o‘rinbosariga tayanib.
“Telefon suhbati Amerika tomoni so‘rovi bilan amalga oshdi. Suhbat chog‘ida Tramp bosh vazirni saylovdagi yirik muvaffaqiyati bilan tabrikladi. Bunga javoban Abe saylov kampaniyasi chog‘ida barcha nutqlarida Shimoliy Koreyani o‘z siyosatini o‘zgartirishga majburlash uchun, unga bosimni kuchaytirish ahamiyati haqida gapirganini aytdi. Ikki mamlakat yetakchilari bu yo‘nalishdagi hamkorlik haqida kelishib oldi”, — dedi u.
Tramp va Abe, shuningdek, 5—7-noyabr kunlari kutilayotgan Oq uy rahbarining Tokioga tashrifi bilan bog‘liq masalalar bo‘yicha fikr almashdi.
Izoh (0)