Italiyaning shimoliy viloyatlari bo‘lmish Veneto va Lombardiyada muxtoriyat maqomini olish to‘g‘risida referendumlar bo‘lib o‘tdi, ularda aholining aksariyati mamlakat markaziy hukumatidan muxtoriyat maqomini olishni yoqlab ovoz berdi, deb yozadi “Gazeta.ru”.
Ta’kidlanishicha, Lombardiya va Veneto Italiyaning eng boy hududlari hisoblanadi. Ularning noroziligi shu bilan bog‘liqki, ular davlat g‘aznasiga Italiya hukumatidan olinadigan nafaqadan ko‘ra ancha ko‘p soliq to‘laydi. Lombardiya va Veneto birgalikda Italiya iqtisodiyotining uchdan bir qismini tashkil etadi.
Aniqlik kiritilishicha, ikkala referendum ham markaziy hukumat uchun konsultatsiya xususiyatini kasb etib, majburiy kuchga ega emas.
Izoh (0)