AQSh aloqa federal komissiyasi Apple’dan iPhone smartfonlarida FM-modulini faollashtirishni talab qildi. Bu talab favqulotda holatlarda odamlarni ogohlantirish ola olishi uchun qo‘yildi. Bu haqda TJournal xabar berdi.
Xizmat rahbari Adjit Pay ta’kidlashicha, iPhone egalari Florida, Puerto-Riko va Texasga “Harvi”, “Irma” yoki “Mariya” to‘fonlari yopirilishidan bexabar qolgan. Bloomberg nashrining ma’lumotlariga ko‘ra, Apple AQSh smartfonlar bozorinng 40 foizini egallagan.
Adjit Pay o‘z murojaatida Apple’dan iPhone’da joylashgan FM-modulni foallashtirishni so‘ragan va kompaniya mas’uliyatni o‘z bo‘yniga olib, amerika xalqining xavfsizligini birinchi o‘ringa qo‘yishi kerakligini ta’kidlagan.
Talabni AQSh axborot uzatuvchi kompaniyalari milliy assotsiatsiyasi qo‘llab-quvvatladi. Assotsiatsiya bu talabni bir necha yildan beri qo‘ymoqda. Motorola, LG va Samsung kompaniyalari assotsiatsiyaning mazkur talabini allaqachon bajargan.
Apple federal komissiyaning talabiga javob berdi hamda iPhone 7, iPhone 8 va iPhone X da radiomodul yo‘qligini ma’lum qildi. Radio ishqibozlari yangilik kanallarini Apple Music bo‘limi yoki watchOS 4.1 dagi “Radio” dasturi orqali tinglashi mumkin.
Kompaniya tomonidan ta’kidlanishicha, iPhone egalari favqulotda xizmatlarga to‘g‘ridan-to‘g‘ri blokiroka ekrani orqali murojaat qiladi va favqulotda holatlar haqida xabar oladi. Mazkur ma’lumotni Apple’ning marketing bo‘yicha katta vitse-prezdenti Filipp Shiller tasdiqlagan.
TechCrunch nashrining qo‘shimcha qilishicha, Apple radioni avvalgi modellarning ko‘pchiligidan olib tashlagan. FM-modullar iPhone 6 va iPhone 6S da qolgan, biroq ular protsessor o‘rnatilgan bo’lib, antennaga ulanmagan. AQSh rasmiylari Apple’ni modullarni yoqishga majbur qilsa ham, kompaniya bu ishni qila olmaydi.
Izoh (0)