АҚШ алоқа федерал комиссияси Apple’дан iPhone смартфонларида ФМ-модулини фаоллаштиришни талаб қилди. Бу талаб фавқулотда ҳолатларда одамларни огоҳлантириш ола олиши учун қўйилди. Бу ҳақда TJournal хабар берди.
Хизмат раҳбари Аджит Пай таъкидлашича, iPhone эгалари Флорида, Пуэрто-Рико ва Техасга «Ҳарви», «Ирма» ёки «Мария» тўфонлари ёпирилишидан бехабар қолган. Bloomberg нашрининг маълумотларига кўра, Apple АҚШ смартфонлар бозориннг 40 фоизини эгаллаган.
Аджит Пай ўз мурожаатида Apple’дан iPhone’да жойлашган ФМ-модулни фоаллаштиришни сўраган ва компания масъулиятни ўз бўйнига олиб, америка халқининг хавфсизлигини биринчи ўринга қўйиши кераклигини таъкидлаган.
Талабни АҚШ ахборот узатувчи компаниялари миллий ассоциацияси қўллаб-қувватлади. Ассоциация бу талабни бир неча йилдан бери қўймоқда. Motorola, LG ва Samsung компаниялари ассоциациянинг мазкур талабини аллақачон бажарган.
Apple федерал комиссиянинг талабига жавоб берди ҳамда iPhone 7, iPhone 8 ва iPhone X да радиомодул йўқлигини маълум қилди. Радио ишқибозлари янгилик каналларини Apple Music бўлими ёки watchOS 4.1 даги «Радио» дастури орқали тинглаши мумкин.
Компания томонидан таъкидланишича, iPhone эгалари фавқулотда хизматларга тўғридан-тўғри блокирока экрани орқали мурожаат қилади ва фавқулотда ҳолатлар ҳақида хабар олади. Мазкур маълумотни Apple’нинг маркетинг бўйича катта вице-презденти Филипп Шиллер тасдиқлаган.
TechCrunch нашрининг қўшимча қилишича, Apple радиони аввалги моделларнинг кўпчилигидан олиб ташлаган. ФМ-модуллар iPhone 6 ва iPhone 6S да қолган, бироқ улар процессор ўрнатилган бўлиб, антеннага уланмаган. АҚШ расмийлари Apple’ни модулларни ёқишга мажбур қилса ҳам, компания бу ишни қила олмайди.
Изоҳ (0)