Twitter ijtimoiy tarmog‘i o‘zining 11 yillik faoliyatidan so‘ng, bitta tvitga ketadigan 140 ta belgi cheklovini 280 taga qadar uzaytirdi. Kompaniya ushbu yangilikni foydalanuvchilarning kichik guruhi orqali sinab ko‘rdi, deb xabar berdi TJournal.
140 belgidan iborat cheklovlarga, asosan, ingliz tilida so‘zlashuvchi Twitter foydalanuvchilari qarshi chiqqan. Shuning uchun 280 belgidan iborat tvitlar yapon, xitoy va koreys tillaridan boshqa barcha tillarda sinovdan o‘tkazildi.
Kompaniyaning ta’kidlashicha, ushbu uchta tildan foydalanuvchilar ma’lumotlarni bitta belgi orqali ikki barobar ko‘proq bera olishadi. Shu bilan birga, ingliz tilida so‘zlashuvchi foydalanuvchilar tvitdagi cheklovlarga duch keladi, bu esa ularning o‘z fikrlarini ifoda etishlariga to‘sqinlik qiladi.
Twitter’ning tadqiqotlaridan kelib chiqiladigan bo‘lsa, ingliz tilida yozilgan tvitlarning 9 foiziga yaqini 140 belgiga “joylashadi”. Yapon tilida yozilgan tvitlar orasida esa ushbu ko‘rsatkich 0,4 foizga teng.
Shuningdek, kompaniyaning aniqlashicha, yapon tilida yozilgan tvitlarning aksariyati 15 belgidan iborat, ingliz tilida yozilganlarida esa ikki barobar ko‘p — 34 belgi.
Izoh (0)