Viktor Yanukovichning Ukraina prezidenti lavozimidagi faoliyati milliy xavfsizlik masalalarida Rossiya manfaatlariga bo‘ysundirilgandi. Mamlakat bosh prokuraturasi shunday xulosaga keldi, deya xabar beradi “Korrespondent.net”.
Prokuratura tergovchilariga ko‘ra, muhim lavozimlarga Rossiya fuqaroligiga ega shaxslarni tayinlangan sobiq davlat rahbarining farmonlari shundan dalolat bermoqda.
“Yanukovichning harakatlari Ukraina suvereniteti, hududiy yaxlitligi, mudofaa qobiliyati, davlat, iqtisodiy va axborot xavfsizligiga zid qasddan harakatlar sifatida ko‘rilmoqda. Shu bois uning faoliyati Ukraina jinoiy-protsessual kodeksining ‘Jinoiy uyushma tuzish’ va ‘Davlatga xiyonat’ moddalari bo‘yicha talqin qilinadi”, — deyiladi Ukraina bosh prokuraturasi matbuot xizmati xabarida.
Izoh (0)