Rossiya prezidenti Vladimir Putin Moskva va Damashq o‘rtasidagi Rossiya qurolli kuchlari aviatsiya guruhini Suriya hududiga joylashtirish haqidagi bitim protokolini ratifikatsiya qilish to‘g‘risidagi qonunni imzoladi, deb yozadi “TASS”.
Hujjat Rossiya aviatsiya guruhining joylashtirilishi, uning ko‘chirib bo‘ladigan va ko‘chmas mulklari masalalari, shuningdek, uning funksiyalarini ta’minlashga bog‘liq masalalarni tartibga soladi.
Protokolga ko‘ra, bitim 49 yil amal qiladi. Shu bilan birga, agar tomonlardan hech biri o‘z vaqtida bitimning amal qilishini to‘xtatish niyati haqida xabardor qilmasa, u avtomatik tarzda yana 25 yilga uzaytiriladi.
Bundan tashqari, protokolda Suriya bitim va protokol amal qiladigan muddat davomida Xmeymim aerodromi yer maydonini Rossiyaga bepul foydalanish uchun berishi belgilab qo‘yilgan.
Izoh (0)