Qirg‘izistonda 26-iyul, chorshanba kuni prezidentlikka nomzodlarning davlat tilini bilishi bo‘yicha sinovlar boshlandi. Birinchi bo‘lib “Liga-antikrizis” markazi rahbari Nazarbek Nishonov sinovdan o‘tdi. Bu haqda K-News xabar bermoqda.
Mamlakat konstitutsiyaviy qonuniga ko‘ra, prezidentlikka nomzod davlat tilini o‘rtachadan yuqori darajada bilishi lozim. Agar test sinovlari davomida yetarli ball to‘play olmasa, Markaziy saylov komissiyasi nomzodni ro‘yxatga olishdan bosh tortishi mumkin.
Bugun “Oq shunqor” partiyasi yetakchisi Temir Sariyev va “Auirdin” kompaniyasi direktori Arstanbek Abdildayev ham o‘rtacha 1,5 soat davom etadigan va 4 ta vazifadan iborat bo‘lgan test sinovlari topshirishi kutilmoqda.
Izoh (0)