Inson huquqlari bo‘yicha Yevropa sudi Rossiyaga Boris Nemsovning o‘ldirilishi ishi bo‘yicha hukm qilingan Temirlan Eskerxanovga 6 ming yevro to‘lash majburiyatini yukladi. Bu haqda Meduza xabar bermoqda.
Eskerxanov, shuningdek, mazkur ishning boshqa ishtirokchilari — aka-uka Anzor va Shadid Gubashevlar Moskva tergov izolyatoridagi hamda transportda tashish sharoitlaridan noligandi.
Oldinroq Gubashevlar va Eskerxanovning advokatlari Rossiya bilan Yevropa sudiga shikoyatlar masalasida sudgacha bo‘lgan kelishuvga erishilganini ma’lum qilgandi. Adliya vazirligi Eskerxanovga 6 ming, Gubashevlarga esa 6,5 ming yevrodan tovon puli taklif etdi.
Yevropa sudi Rossiya rasmiylari bilan sudgacha bo‘lgan kelishuv parametrlarini oshkor etgani uchun Gubashevlarning shikoyatini rad etdi.
Izoh (0)