Shveysariya politsiyasi mamlakat shimolida arradan foydalanib 5 kishiga hujum qilishda gumon qilingan shaxsni qo‘lga oldi. Bu haqda TJournal xabar bermoqda.
Gumonlanuvchi hujum ro‘y berganidan bir kun o‘tib hodisa joyi — Shaffxauzen shahridan 60 kilometr uzoqlikdagi Talvil shahrida ushlandi. U 51 yoshli Shveysariya fuqarosi Frans Vruzis bo‘lib chiqdi. Vruzis oxirgi bir necha hafta o‘rmonda yashagani va politsiyadan ham shu yerda yashiringan bo‘lishi mumkinligi bildirilmoqda.
24-iyul kuni arra bilan qurollangan erkak CSS Assurance kompaniyasining Shaffxauzen shahridagi filiali binosida odamlarga tashlandi, so‘ng mashinasida yashirindi. Buning oqibatida yaralangan 5 kishidan ikki nafari jiddiy jarohat oldi.
Politsiya hodisa terakt bo‘lishi mumkinligi haqidagi ovozalarni rad etdi va Vruzis kompaniya mijozi bo‘lishi mumkinligini taxmin qildi.
Izoh (0)